لڑکی کے اغواء کی کوشش، سی سی ٹی وی فوٹیج سامنے آگئی

Dec 18, 2018

[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2018/12/MUZG-CHILD-KIDNAP-CCTV-18-12.mp4"][/video]

مظفرگڑھ میں بھتہ مافیا کی دیدہ دلیری بڑھتی چلی جارہی ہے، تاجر سے بھتہ نہ ملنے پر پہلے گھر پر کریکر پھینکا ، پھر بھی پیسے نہ مِلنے پر اُسکی بیٹی کو اِغواء کرنے کی کوشش کی۔

سماء نے تاجر کی سات سالہ بیٹی کے اِغواء کی کوشش کی سی سی ٹی وی فوٹیج حاصل کر لی ہے۔

سی سی ٹی وی فوٹیج میں نامعلوم موٹرسائیکل سوار کو دیکھا جاسکتا ہے جس نے دن دیہاڑے لڑکی کے اغوا کی کوشش کی۔

سماء کے نمائندے شیراز بشیر کے مطابق تھانہ سٹی مظفرگڑھ پولیس نے بچی کے والد عارف خان کی مدعیت میں اغواء کی کوشش کا مقدمہ درج کر لیا ہے۔

واضح رہے کہ ایک مہینہ قبل بھی نامعلوم ملزمان عارف خان کے گھر پر کریکر بم پھینک کر فرار ہوگئے تھے جس کے بعد تاجر نے گھر کے باہر سی سی ٹی وی کیمرہ لگوایا تھا۔

تاجر نے بتایا کہ واٹس ایپ پر اس سے بھتہ مانگا گیا اور اس کو دھمکیاں بھی دی گئی تھیِں۔

پولیس کے مطابق فوٹیج کی مدد سے موٹرسائیکل سوار کی شناخت کی کوشش کی جارہی ہے، پہلے اس کو گرفتار کرنا ضروری ہے۔ پولیس نے تاجر کو مزید سیکورٹی فراہم کرنے کی یقین دہانی بھی کروائی ہے۔

MUZAFFARGARH

Cracker Attack

kidnapping attempt

Tabool ads will show in this div