بالی ووڈ ہدایت کار ساجد خان پر جنسی ہراسانی معاملے میں ملوث ہونے پر ایک سال کی پابندی عائد کردی۔

بھارتی میڈیا کے مطابق بالی ووڈ کے معروف ہدایت کار اور کوریو گرافر فرح خان کے بھائی ساجد خان پر تقریباً دوماہ قبل اداکارہ سلونی چوپڑا، صحافی کرشمہ اوپاڈہے اور اداکارہ ریچل وائٹ نے جنسی ہراساں کرنے کا الزام عائد کیا تھا۔جس کے بعد اب اُن پر انڈین فلم اینڈ ٹیلی ویژن ڈائریکٹرز ایسوسی ایشن (آئی ایف ٹی ڈی اے) نے ایک سال کی پابندی عائد کردی ہے

#IFTDA suspends #Director @SimplySajidK for one year. @ashokepandit @ShrabaniDeodhar #MeToo #MeTooIndia pic.twitter.com/zLJPMbxZcX

— Iftda India (@DirectorsIFTDA) December 12, 2018

اداکارہ بپاشا باسو نے بھی ساجد خان کے متعلق کہا تھا کہ وہ خواتین کے ساتھ واہیات مذاق کرنے کے عادی ہیں، دوسری جانب اداکارہ دیا مرزا نے ساجد خان کے خواتین کے ساتھ رویے کو قابل نفرت قراردیتے ہوئے ان پر لگے تمام الزامات کی تصدیق کی تھی۔

pic.twitter.com/qnD9W6aiLb

— Sajid Khan (@SimplySajidK) October 12, 2018

واضح رہے دو ماہ قبل ساجد خان پر خواتین کی جانب سے جنسی ہراساں کرنے کے الزام لگائے گئے تھے جس کے بعد سوشل میڈیا پر انہیں شدید تنقید کا نشانہ بنایاگیا یہاں تک کہ اُن کی بہن فرح خان نے بھی اپنے کی حمایت کرنے سے انکار کردیا اور اپنے ٹوئٹ میں کہا کہ اگر میرے بھائی نے اس قسم کا رویہ اختیار کیا ہے تو اسے اس کی قیمت ادا کرنی پڑے گی،وہ کسی بھی لحاظ سے اس طرح کا رویہ برداشت نہیں کرسکتیں۔