اسحاق ڈارکی بیماری کامسئلہ کم ہے،پتہ نہیں وہ کس قسم کاانصاف چاہتےہیں،چیف جسٹس

سپریم کورٹ نے سابق وزیر خزانہ کی وطن واپسی سے متعلق پیشرفت رپورٹ طلب کرلی، چیف جسٹس نے ریمارکس دئیے کہ اسحاق ڈار کی بیماری کا مسئلہ کم ہے، وہ کہتے ہیں کہ انصاف نہیں ملے گا، معلوم نہیں وہ کس قسم کا انصاف چاہتے ہیں۔

اسحاق ڈار کی وطن واپسی سے متعلق کیس کی سماعت چیف جسٹس پاکستان ثاقب نثار کی سربراہی میں تین رکنی بنچ نے کی ۔عدالت کو بتایا گیا کہ نیب کو مطلوب سابق وزیر خزانہ اسحاق ڈار کی واطن واپس لانے کیلئے حکومت برطاینہ کو خط لکھ دیا گیا۔ ملزم کی واپسی ملزمان کے تبادلے کے معاہدے کے تحت ہوگی۔

ایڈیشنل اٹارنی جنرل نے سپریم کورٹ میں بیان دیا کہ برطاینہ  نے اسحاق ڈار کی واپسی سے متعلق سوالنامہ ارسال کیا ہے جوآج  نیب کے حوالے کردیا جائے گا۔

عدالت نے اشتہاری ملزم اسحاق ڈار کی وطن واپسی سے متعلق پیش رفت رپورٹ ایک ماہ میں طلب کرتے ہوئے سماعت ملتوی کردی۔