پی ایس پی سربراہ مصطفیٰ کمال کیخلاف مقدمہ درج کرنے کی سفارش

Nov 06, 2018

ٹريٹمنٹ پلانٹ کی زمين غيرقانونی الاٹ کرنے کے الزام ميں اينٹی کرپشن کے تفتيشی افسر نے مصطفیٰ کمال کيخلاف مقدمہ درج کرنے کی سفارش کردی ہے۔

پاک سرزمین پارٹی کے سربراہ اور 2006ء سے 2010ء تک کراچی کے ناظم رہنے والے مصطفیٰ کمال کیخلاف انسداد بدعنوانی کے تحت مقدمہ درج کرنے کی سفارش کی گئی ہے۔

اینٹی کرپشن کے تفتیشی افسر نے ٹریٹمنٹ پلانٹ کی زمین غیر قانونی طور پر الاٹ کرنے کے الزام میں ایم کیو ایم کے سابق رہنماء اور سابق ناظم کراچی کیخلاف مقدمے کی سفارش کی، مصطفیٰ کمال پر قومی خزانے کو 9 ارب سے زائد نقصان پہنچانے کا الزام ہے۔

ڈپٹی ڈائریکٹر اینٹی کرپشن کا کہنا ہے کہ سرکاری پراپرٹی کے غلط استعمال کا کیس ہے، زمین لائنز ایریا ری سیٹلمنٹ پراجیکٹ کیلئے الاٹ کی گئی تھی۔

MUSTAFA KAMAL

PSP

illegal allotment

Water Treatment plant

Tabool ads will show in this div