میرا نے بچی کیلئے دعائے صحت کی اپیل کردی

Oct 23, 2018

اداکارہ میرا ذاتی زندگی میں آنے والے اتارچڑھاؤ کے باعث آئے روز خبروں کی زینت بنی رہتی ہیں، سماجی رابطوں کی ویب سائٹ ٹوئٹر پر بھی ان کی دلچسپ ٹویٹس کا مداحوں کو انتظار رہتا ہے لیکن اس بارمیرا نے اپنی بھانجی کیلئے دعائے صحت کی اپیل کی ہے۔

اداکارہ نے گزشتہ روزلاہور کے نجی اسپتال میں زیرعلاج اپنی بھانجی آئرہ زہرہ کی تصاویر شئیر کیں اور بتایا کہ وہ سینے کے انفیکشن میں مبتلا ہے ، 4 ماہ کی ننھی بچی کی روتے ہوئے ایک ویڈیو بھی شئیرکی گئی ہے جسے دیکھ کر یقیننا سب نے آئرہ کی جلد صحتیابی کی دعا کی ہوگی۔

تصاویرمیں میرا اور ان کی والدہ شفقت زہرہ بھی موجود ہیں، اسپتال کا عملہ تو جانفشانی سے بچی کے علاج کے اقدامات کر رہا ہے لیکن بچی کی نانی کمال اطمینان کے ساتھ تصویر کیلئے پوز دے رہی ہیں۔

 

عقب میں کھڑی خالہ یعنی میرا کے چہرے پر بھی واضح پریشانی دیکھی جا سکتی ہے۔

میرا نے ایک اور ٹویٹ میں ننھی پری کیلئے دعائے صحت جاری رکھنے کی درخواست کی ہے اور ہماری یہی دعا ہے کہ اللہ تعالیٰ ننھی آئرہ کو شفائے کاملہ عطا فرمائے۔

LOLLYWOOD

Meera's niece

Ayra Zahra

Tabool ads will show in this div