نصف سے زائد کراچی تاحال بجلی سے محروم

شہر کراچی میں پیر کی رات بجلی کے تعطل نے نصف شہر کو تاریکی میں ڈبو دیا۔ ترجمان کے الیکٹرک شیراز معین الدین کے مطابق فالٹ کی اطلاع ہے، عملہ خرابی دور کرنے کی کوشش کر رہا ہے۔

کے الیکٹرک کی مہربانیوں نے شہر کراچی پر اپنے کرم کم نہ کیے۔ پیر کی رات ایک بار پھر شہر کا نصف سے زائد حصہ شام ہوتے ہی تاریکی میں ڈوب گیا۔ دن میں گرمی کے ساتھ ساتھ لوڈشیڈنگ کی دہری اذیت سہنے والے شہریوں کی رات کی نیندیں بھی حرام ہوگئی۔

اپ ڈیٹ: متاثرہ علاقوں میں بحالی کا کام تیزی سے جاری ہے۔ ایئر پورٹ سمیت لیاری، جناح اور سول جیسے اہم اسپتالوں میں بجلی کی فراہمی کو یقینی بنایا گیا ہے۔ کے الیکٹرک کا عملہ باقی متاثرہ علاقوں کی جلد مکمل بحالی کیلئے کوشاں ہے۔

— KE (@KElectricPk) October 2, 2018

Update: Restoration work continues to progress in affected areas. Power supply to airport and key hospitals such as Lyari, Civil and Jinnah ensured; remaining areas to be normalised soon.

— KE (@KElectricPk) October 2, 2018

Some parts of Karachi are experiencing interruption in power supply due to tripping in our EHT network. Few affected areas have already been restored whereas teams are working to normalize remaining areas as soon as possible. Please check back with us in one hour for next update.

— KE (@KElectricPk) October 2, 2018

شام سے غائب بجلی صبح تک بھی نہ بحال ہوسکی، کئی علاقوں میں رات سے بجلی کی فراہمی معطل رہی ۔ کے الیکٹرک کے مطابق بجلی کی مکمل بحالی کے لیے کوشاں ہے۔

موصول اطلاعات کے مطابق شارع فیصل، پی ای سی ایس ایس، محمد علی سوسائٹی، کے ڈی اے، کلفٹن، گارڈن، گلشن اقبال،گلستان جوہر، لیاقت آباد، ناظم آباد، عزیز آباد، نرسری، جہانگیر روڈ، محمود آباد، ملیر، ملیرہالٹ رفاہ عام، ڈیفنس ویو، کلفٹن اولڈسی ایریا، برنس روڈ، برنس روڈ، گلبہار، لانڈھی اور دیگر علاقے تاریکی میں ڈوب گئے۔

ترجمان کے الیکٹرک کا کہنا ہے کہ ہوا میں نمی کے باعث ایکسٹر ہائی ٹینشن لائن ٹرپ ہوئی ہے، جس کو درست کرنے کے لیے ٹیمیں کام کررہی ہیں، جب کہ متبادل سرکٹ سے شہر میں بجلی فراہم کی جارہی ہے۔

دوسری جانب علاقہ مکین کا کہنا ہے کہ شکایات درج کرانے کے باوجود ابھی تک بجلی بحال نہیں کی گئی۔ غصے کا اظہار کرتے اور رات بھر گلیوں اور سڑکوں پر رات گزارنے والے شہریوں کا کہنا ہے کہ یہ آئے دن کا معمول بن گیا ہے کہ پورا پورا دن بجلی غائب رہتی ہے، یہ حکومت اور کے الیکٹرک کی نا اہلی ہے۔