حریت رہنماوں کا بھارت میں موجود سیکریٹری جنرل یو این کو خط

بھارتی دورے پر آئے اقوام متحدہ کے سیکریٹری جنرل کے نام کشمیری حریت قیادت نے خط لکھ کر بھارتی چہرہ بے نقاب کردیا۔

خبر رساں ایجنسی کی جانب سے جاری رپورٹس کے مطابق بھارت کے تین روزہ دورے پر پہنچنے والے اقوام متحدہ کے جنرل سیکریٹری انتونیو گوئتریس کو کشمیری حریت پسند رہنمائوں نے خط لکھ دیا۔

At his first event in India to inaugurate UN House, @antonioguterres says the UN's work in India cannot be business as usual. India is pillar of multilateralism & is a vital leader in our efforts to achieve #Agenda2030, and especially on #ClimateAction. #UNSGinIndia pic.twitter.com/IP9QdbjK3I

— UN Spokesperson (@UN_Spokesperson) October 1, 2018

دورے کے دوران سیکریٹری جنرل بھارتی وزیراعظم نریندرمودی اور دیگر رہ نماؤں سے بھی ملاقات کریں گے۔ اس سے قبل اقوام متحدہ کے سیکریٹری جنرل نے کہا کہ اختلافات پُرامن طور پر ختم کرنے کے لیے مثبت مذاکرات کیے جائیں ۔

کشمیر ی حریت رہنماوں نے خط میں لکھا کہ اقوام متحدہ مسئلہ کشمیر حل کرانے میں اپنا کردار ادا کرے، بھارت کا مذاکرات سے انکار کشمیر سمیت پورے خطے کا ناقابل تصور نقصان ہے۔

انہوں نے لکھا کہ بھارت پر دباؤ ڈالا جائے کہ وہ پاکستان اور کشمیریوں سے مذاکرات کرے، اقوام متحدہ کے سیکریٹری جنرل انتونیو گوئتریس تین روزہ دورے پر بھارت میں موجود ہیں۔