اسلام آباد:افغان کچی بستوں میں سرچ آپریشن،330افرادگرفتار

ویب ڈیسک:
اسلام آباد : وفاقی دارالحکومت اسلام آباد میں سبزی منڈی کے علاقے میں آج صبح پولیس نے سرچ آپریشن شروع کیا جس میں غیر قانونی طور پر مقیم افغان باشندوں سمیت330افراد کو گرفتار کرلیا گیا۔

پولیس کے مطابق سرچ آپریشن علاقے موجود مشتبہ اور غیرقانونی طورپر مقیم افراد کی موجودگی کی اطلاع پر کیا گیا، آپریشن کے دوران کچی افغان بستیوں کا گھیراؤ کیا گیا ہے۔ کارروائی کی نگرانی ایس ایس پی کررہے ہیں۔ آپریشن میں400 پولیس اہل کار اور کمانڈوز حصہ لے رہے ہیں۔ ان میں 12 تھانوں کے ایس ایچ اوز اور 4 سب ڈویژنل پولیس افسر بھی شامل ہیں۔

پولیس ترجمان کا کہنا ہے کہ زیر حراست افراد اور گرفتار کیے گئے لوگوں کے پاس شناخت کے کوئی ثبوت نہیں ہیں۔ اب تک 50 سے زائد افغان باشندوں کو گرفتار کیا جاچکا ہے۔ سماء