ضمنی انتخابات سےقبل بڑادھچکہ،علی رضاعابدی مستعفی

ایم کیو ایم پاکستان کے رہنما علی رضا عابدی نے پارٹی کی بنیادی رکنیت سے استعفی دے دیا۔

کراچی میں حلقہ این اے 243 پر ضمنی انتخاب سے قبل ایم کیو ایم پاکستان کو بڑا دھچکا لگ گیا۔ سابق رکن قومی اسمبلی علی رضا عابدی نے پارٹی کی بنیادی رکنیت سے استعفا دے دیا ہے۔

My resignation from basic membership of MQMP due to personal reasons. pic.twitter.com/7UbVFzV3nU

— Syed Ali Raza Abidi (@abidifactor) September 2, 2018

سابق رکن قومی اسمبلی علی رضا عابدی نے اپنا استعفا کنوینر ایم کیو ایم پاکستان خالد مقبول صدیقی کو بھجوایا ہے، ذرائع نے بتایا کہ علی رضا عابدی نے این اے 243 پر ضمنی انتخاب کے لیے نظر انداز کیے جانے پر دل برداشتہ ہوکر استعفا دیا ہے۔

ایم کیو ایم پاکستان نے این اے 243 پر علی رضا عابدی کی جگہ فیصل سبزواری کے کاغذات نامزدگی جمع کرائے ہیں۔

عام انتخابات میں اس نشست سے عمران خان کھڑے ہوئے تھے جو کہ عمران خان کی طرف سے چھوڑنے کے بعد خالی ہوگئی تھی۔ واضح رہے کہ ضمنی الیکشن 14 اکتوبر کو منعقد ہوں گے۔

واضح رہے کہ اس سے قبل بھی سال 2017 میں علی رضا عابدی نے گزشتہ نومبر میں فاروق ستار کی مصطفیٰ کمال سے ملاقات کے دوران ہی سوشل میڈیا پر ایم کیو ایم پاکستان سے اظہار لاتعلقی کرتے ہوئے قومی اسمبلی کی نشست سے استعفیٰ دینے کا اعلان کیا تھا۔

علی رضا عابدی نے اپنے ہاتھ سے تحریر کردہ استعفیٰ اسپیکر قومی اسمبلی ایاز صادق کو بھجوادیا تھا۔ اس وقت علی رضا عابدی کراچی کے حلقہ این اے 251 سے رکنِ اسمبلی منتخب ہوئے تھے۔

For the attention of Honourable Speaker National Assembly Janab .@AyazSadiq122 Sb. pic.twitter.com/euCXQlWPbB

— Syed Ali Raza Abidi (@abidifactor) November 13, 2017

ایم کیو ایم پاکستان نے پاک سرزمین پارٹی سے سیاسی اتحاد کا اعلان کیا تھا تاہم اس سلسلے میں ایم کیو ایم پاکستان کے کئی رہنما ناراض تھے جب کہ اتحاد اگلے روز ہی ٹوٹ گیا تھا۔