این اے 131 میں ووٹوں کی دوبارہ گنتی روکنا خلافِ قانون ہے، سعد رفیق

سابق وزیر ریلوے خواجہ سعد رفيق نے قومی اسمبلی کے حلقہ 131 لاہور میں ووٹوں کي دوبارہ گنتي روکنے کو خلافِ قانون قرار دے ديا۔

مسلم لیگ ن کے سینیئر رہنما اور سابق ایم این اے خواجہ سعد رفیق نے ٹوئٹر پر بيان ديا کہ اليکشن ايکٹ دوہزار سترہ کو مکمل طور پر نظر انداز کر ديا گيا ہے، جبکہ نئے قانون کے مطابق دوبارہ گنتي کے بنيادي حق سے محروم کرديا گيا ہے۔

سعد رفیق نے يہ بھي کہا کہ اين اے ايک سو اکتيس ميں عمران خان کو صرف 680 ووٹوں سے کامياب قرار ديا گيا جبکہ 2835 ووٹ مسترد ہوئے۔ ان کا کہنا تھا صرف پانچ پولنگ اسٹيشن پر ووٹوں کي دوبارہ گنتي ميں عمران خان کے 117 ووٹ کم ہوچکے ہيں۔

عمران کو 680 ووٹوں سے جیتا ھوا بتایا گیا تھا

2835 مسترد شدہ ووٹوں اور صرف پانچ پولنگ سٹیشنز کی دوبارہ گنتی میں عمران کے 78+39=117 ووٹ کم ھو چکے ھیں الیکشن ایکٹ 2017 کو مکمل نظر انداز کردیا گیا ھے مجھے نئے قانون کے مطابق دوبارہ گنتی کے بنیادی حق سے محروم کر دیا گیا ھے — Khawaja Saad Rafique (@KhSaad_Rafique) August 8, 2018

عمران کی دوبارہ گنتی رُکوانے کے لئے بھاگ دوڑ تھوک کر چاٹنے کے مترادف ھے

دوبارہ گنتی رُکوانے کے عمل سے واضح ھو گیا دال میں کالا نہیں ساری دال ھی کالی ھے عمران جھرلو وزیر اعظم اور ان کی حکومت جبر اور دھاندلی کی پیداوار ھو گی — Khawaja Saad Rafique (@KhSaad_Rafique) August 8, 2018

سعد رفیق نے مزید کہا کہ عمران خان کی دوبارہ گنتی رُکوانے کے لئے بھاگ دوڑ تھوک کر چاٹنے کے مترادف ہے، دوبارہ گنتی رُکوانے کے عمل سے واضح ہوگیا دال میں کالا نہیں ساری دال ہی کالی ہے۔ انہوں نے کہا کہ عمران جھرلو وزیر اعظم اور ان کی حکومت جبر اور دھاندلی کی پیداوار ہوگی۔

اس سے قبل عدالت عظمی نے عمران خان کي درخواست باقاعدہ سماعت کيلئے منظور کرتے ہوئے این اے 131 لاہور میں دوبارہ گنتی کا لاہور ہائیکورٹ کا فیصلہ معطل کیا۔

اين اے 131 لاہور میں دوبارہ گنتی کا حکم معطل

واضح رہے لاہور ہائی کورٹ نے سابق وزیر ریلوے خواجہ سعد رفیق کی درخواست پر این اے 131 میں دوبارہ گنتی کا حکم دیتے ہوئے الیکشن کمیشن کو عمران خان کی کامیابی کا نوٹیفکیشن جاری کرنے سے روکنے کی ہدایت کی تھی۔

عمران خان کو خواجہ سعد رفیق پر 680 ووٹوں کی برتری حاصل تھی لیکن مسترد ووٹوں کی دوبارہ گنتی کے بعد یہ برتری کم ہو کر 608 رہ گئی۔ جس پر خواجہ سعد رفیق نے مکمل ووٹوں کی دوبارہ گنتی کی درخواست کی جسے آر او نے مسترد کر دیا تھا۔