الیکشن کمیشن نے حتمی نتائج جمع کروانےکی ڈیڈ لائن بڑھادی

الیکشن کمیشن نے حلقوں کےنتائج کےلئے ایک دن مزید بڑھا دیا ہے۔ اس سے قبل الیکشن کمیشن نے ریٹرننگ افسران کو حتمی نتائج انتیس جولائی تک مرتب کرنےکی ہدایت کی تھی۔

الیکشن کمیشن نے حتمی نتائج مرتب کرنے کی ڈیڈ لائن میں ایک دن کا اضافہ کر دیا گیاہے۔ریٹرننگ افسران کو 30 جولائی تک فارم 48 بھجوانے کی ہدایت کی گئی ہے۔اس سے قبل الیکشن کمیشن نے کہاتھاکہ ریٹرننگ افسران پولنگ کے بعد پانچ روز میں حتمی نتائج مرتب کرنے کے پابند ہیں۔ غیر حتمی نتیجہ جاری ہونے کے بعد حتمی و سرکاری نتائج کی تیاری پر کام جاری ہے۔

اب ریٹرننگ افسر دو روز کے اندر تمام مسترد شدہ ووٹوں کو دوبارہ چیک کریں گے جبکہ پوسٹل بیلٹ پیپرز کے نتائج بھی حتمی نتیجے کے ساتھ جاری ہوں گے ۔

قانون کے مطابق حتمی نتائج مکمل ہونے پر ریٹرننگ افسر دوبارہ گنتی کی درخواست قبول نہیں گرے گا۔ حتمی نتائج فارم 49پرجاری ہوں گے۔امیدواروں کودس روزکےاندرانتخابی اخراجات کی تفصیلات بھی فراہم کرنا ہوں گی۔ جوامیدواراخراجات کی تفصیلات جمع نہیں کرائیں گےان کا نوٹیفیکیشن روک لیا جائے گا۔

امیدواروں کی کامیابی کا نوٹیفیکیشن چودہ روز کے اندر جاری ہو گا جبکہ پولنگ کے بعد اکیس روز کے اندر قومی اسمبلی کا پہلا اجلاس بلایا جائے گا۔