نقیب محسود کے اہل خانہ کا سندھ ہائیکورٹ کے باہر احتجاج

Jun 25, 2018

نقیب اللہ محسود قتل کیس کی سماعت کے دوران مقتول کے اہل اور جرگہ عمائدین نے سندھ ہائیکورٹ کے باہر احتجاجی مظاہرہ کرتے ہوئے مطالبہ کیا ہے کہ ملزم راو انوار کو جیل منتقل کرکے قرار واقعی سزا دی جائے۔

کراچی سے سماء ٹی وی کے رپورٹر عرفان الحق کے مطابق راو انوار کے خلاف نقیب اللہ قتل کیس کی سماعت ہوئی۔ اس موقع پر مقتول نقیب اللہ کے اہل خانہ نے ہائیکورٹ کے باہر احتجاجی مظاہرہ کیا اور راو انوار کے خلاف نعرے بازی کی۔

مظاہرین کا کہنا تھا کہ راو انوار صرف نقیب اللہ محسود کا نہیں بلکہ سیکڑوں افراد کا قاتل ہے۔ اس کو گھر میں رکھنے کے بجائے جیل منتقل کرکے قرار واقعی سزا دی جائے۔ واضح رہے کہ عدالتی حکم پر ملیر کینٹ میں راو انوار کے گھر کو سب جیل قرار قرار دیا گیا ہے۔

SINDH HIGH COURT

RAO ANWAR

Fake Encounter

Naqeeb Mehsood

justice for Naqeeb

Tabool ads will show in this div