تحریک انصاف نے ملک فاروق بندیال کو پارٹی سے نکال دیا

خوشاب سے پی ٹی آئی میں شامل ہونے والے فاروق بندیال کو پی ٹی آئی سے نکال دیا گیا۔

معاملے کی تحقیقات کرنے والی ایک رکنی کمیٹی کے رکن اور تحریک انصاف کے رہنما نعیم الحق نے اپنے ٹوئیٹر پیغام میں کہا کہ فاروق بندیال کا تحریک انصاف میں شامل ہونا افسوسناک تھا، انہیں فوری طور پر پارٹی سے نکالا جارہا ہے۔

انہوں نے کہا کہ ایسے ریکارڈ رکھنے والے شخص کی تحریک انصاف میں کوئی جگہ نہیں، انہیں کسی بھی سیاسی جماعت کا حصہ نہیں ہونا چاہیے۔

واضح رہے کہ خوشاب کے جاگيردار اور ٹرانسپورٹر فاروق بندیال نے عمران خان سے ملاقات میں پی ٹی آئی میں شموليت کااعلان کیا تھا، فاروق بندیال فلم اسٹار شبنم زیادتی کیس کا مرکزي ملزم تھا۔

سوشل ميڈيا پر شديد ردعمل کے بعد عمران خان نے ان خبروں کا نوٹس ليا اور نعيم الحق پر مبني ايک رکني تحقيقاتي کميٹي قائم کردي جو تين دن ميں رپورٹ پيش کرے گي۔

فواد چوہدري کا کہنا تھا تحريک انصاف کسي صورت اخلاقي معيارات پر سمجھوتہ نہيں کرے گي۔

PTI

shabnam

Farooq Bandial

Tabool ads will show in this div