نواز شریف کا ایک اور ساتھی پارٹی چھوڑ گیا

[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2018/05/Aashiq-Gopang-Isb-Montage-21-05.mp4"][/video]

ختم نبوت حلف نامے کے معاملے پر ن لیگی ایم این اے عاشق گوپانگ کا ضمیر جاگ اٹھا، ساتھ ہی میاں صاحب کی فاش سیاسی غلطیوں کا بھی احساس ہوگیا، اسلام آباد میں پارٹی چھوڑنے کا اعلان کرديا۔

مسلم لیگ ن کا ایک اور رکن قومی اسمبلی ساتھ چھوڑ گیا، عاشق حسین گوپانگ نے اسلام آباد میں پارٹی سے علیحدگی کا اعلان کردیا۔

این اے 180 مظفر گڑھ سے منتخب رکن قومی اسمبلی عاشق حسین گوپانگ کو بھی اقتدار کے آخری لمحات میں ن لیگ میں خامیاں نظر آنے لگیں، وفاقی دارالحکومت میں پارٹی کیخلاف چارج شیٹ پیش کرتے ہوئے ختم نبوت حلف نامے میں تبدیلی کو گناہ کبیرہ قرار دیا اور بولے کہ ذمہ داروں کو سزا نہ دلوانا ماتھے کا کلنک ہوگا۔

ان کا کہنا ہے کہ نواز شریف نے سنگین غلطیوں کو وطیرہ بنالیا، مودی کی مہمان نوازی اور شیخ مجیب کے گُن گانا بڑی غلطیاں تھیں، فوج پر تنقید اور ممبئی حملوں پر متنازع بیان سے نقصان پہنچا۔

عاشق گوپانگ کہتے ہیں کہ عوام اب میاں صاحب کیخلاف ہوچکے ہيں، پارٹی میں ٹوٹ پھوٹ کی وجہ خلائی مخلوق نہیں، عوامی دباؤ ہے۔

MUZAFFARGARH

Aashiq Hussain Gopang

Sardar Ashiq Hussain Gopang

Tabool ads will show in this div