امریکا کے ہائی اسکول میں فائرنگ، طلبہ سمیت 10 افراد ہلاک

May 18, 2018
Multiple people have died as a result of a shooting Friday morning at a high school in the southeastern Texas city of Santa Fe, two law enforcement sources told CNN.
Multiple people have died as a result of a shooting Friday morning at a high school in the southeastern Texas city of Santa Fe, two law enforcement sources told CNN.

امریکی ریاست ٹیکساس کے ایک ہائی اسکول میں مسلح شخص نے فائرنگ کرکے  طلبہ سمیت 8 افراد کو قتل کردیا، ملزم کو اسلحہ سمیت گرفتار کرلیا گیا۔

غیر ملکی خبر ایجنسی کے مطابق امریکی ریاست ٹیکساس کے علاقے سانتا فے کے ہائی اسکول میں طالبعلم اسلحہ لے کر گھس آیا اور کلاس روم میں فائرنگ کردی، جس کے نتیجے میں 8 طالبعلم ہلاک ہوگئے۔

امریکی نشریاتی ادارے کا کہنا ہے کہ مقامی وقت کے مطابق 11 بجے سانتا فے سٹی کے ہائی اسکول میں حملہ آور نے شاٹ گن سے فائرنگ کی، حکام کے مطابق فائرنگ کرنے والے شخص کو حراست میں لے لیا گیا۔

واقعے کے بعد سیکیورٹی فورسز نے علاقے کو گھیرے میں لے لیا، فائرنگ کی وجوہات اور دیگر معاملات پر مزید تحقیقات کی جارہی ہے۔

کاؤنٹی شیرف ایڈ گونزالز کا کہنا ہے کہ فائرنگ کے واقعے میں طلبہ سمیت تقریباً 10 افراد ہلاک ہوگئے، فائرنگ کرنے والے ملزم کو گرفتار کرلیا گیا جبکہ ایک اور شخص کو حراست میں لیا گیا ہے، دونوں طلبہ لگتے ہیں۔

عینی شاہدین کا کہنا ہے کہ فائرنگ کی آواز سن کر طلبہ اسکول سے باہر کی جانب بھاگے، اسکول میں الارم بج رہا تھا۔

حکام کے مطابق امریکا میں ایک ہفتے کے دوران اسکول میں فائرنگ کا یہ تیسرا واقعہ ہے جبکہ رواں سال اسکول میں فائرنگ کے 22 واقعات پیش آچکے ہیں۔

 

امریکی نائب صدر مائیک پینس نے ٹیکساس اسکول فائرنگ پر افسوس کا اظہار کیا ہے، اپنے ٹویٹر پیغام میں ان کا کہنا ہے کہ وہ طلبہ، اہل خانہ اور ٹیچرز کے ساتھ ہیں، آپ ہماری اور امریکی قوم کی دعاؤں میں شامل ہیں۔

USA

high school

Santa fe

Tabool ads will show in this div