مدینہ منورہ میں مسجد نبوی کے امور کی جنرل پریذیڈنسی نے روضہ رسول صلی اللہ علیہ وسلم اور شیخین رضی اللہ عنہا کی قبور پر سلام کے لئے جانے والے راستے کو تیار کرنے کا کام مکمل کر لیا ہے۔

مدینہ منورہ میں ان اہم گزرگاہ کے قالین کوسبز رنگ کے انتہائی قیمتی قالین سے تبدیل کر دیا گیا ہے۔ مسجد نبوی میں شعبہ قالین کے سربراہ بندر الحسینی کے مطابق سرخ رنگ کے پرانے قالین کو اب سبز رنگ کے قالین سے بدل دیا گیا ہے۔

باب السلام سے لے کر باب البقیع تک ان کی مجموعی تعداد 250 ہے۔ اس اقدام کا مقصد مسجد نبوی کی زیارت کرنے والے ہر شخص کو عبادات اور روضے پر سلام پیش کرنے کے دوران پر سکون ماحول اور ہر ممکن سہولت اور آرام پیش کرنا ہے۔