خیبرپختونخوا میں پرائیویٹ اسکول 2 دن کیلئے بند ہوگئے

رپورٹ : عبدالرحمان

پشاور: نجي تعليمي اداروں کي من مانياں آئين قانون کے شکنجے ميں آئے تو مالکان سڑکوں پر نکل آئے اور حکومتي مانيٹرنگ کے نظام کومسترد کرديا، ہڑتال کے خلاف والدين بھي سراپا احتجاج ہیں ۔

نجي اسکولوں کي شتر بے مہار کي آزادي ہوئي سلب اور سروں پر مانيٹرنگ کي تلوار لٹکنے لگي، تو مالکان نے بچوں کي تعليم پر وار کيا اور دو روزہ ہڑتال کرکے سڑکوں پر نکل آئے ہرتال کے باعث پشاور میں اسکول 23 اور 24 اپریل کو بند رہیں گے۔

اسکول مالکان نے مطالبات تسليم نہ ہونے کي صورت ميں اسکولوں کي مستقل بندش کي دھمکي دي، بچوں کي تعليم متاثر ہوئي تو والدين نے بھي سڑکوں کا رخ کرليا ۔

واضح رہے کہ اتھارٹي نے تعطيلات ميں آدھي فيس اور ٹرانسپورٹ کي فيس نہ لينے کي ہدايت کررکھي ہے ۔