پاکستان اقوام متحدہ کی غیرسرکاری تنظیموں کی کمیٹی کا رکن منتخب

نیویارک : پاکستان کو اقوام متحدہ کی غیر سرکاری تنظیموں کی کمیٹی اور یونیسیف کے ایگزیکٹوبورڈ کا رکن منتخب کرلیا گیا ہے۔ اس موقع پر ملیحہ لودھی کا کہنا تھا کہ پاکستان دنیا کے ساتھ مل کر معیار زندگی بہتر بنانے کیلئے کام کر رہا ہے۔

اقوام متحدہ کی جانب سے جاری پریس ریلیز کے مطابق پاکستان کو 2019 سے 2022 تک مختلف کمیٹیوں اور تنظیموں کا رکن منتخب کیا گیا ہے۔ کمیٹی کے قیام سے اب تک پاکستان کا ادارے کی بہتری کے لیے اہم کردار ہے۔ پاکستان اقوام متحدہ کی غیر سرکاری تنظیموں کا 10سال سے رکن ہے۔

With Team Pakistan in the ECOSOC chamber for the elections earlier today. Pakistan is grateful for the support it received from the international community for election to 2 key UN bodies pic.twitter.com/HDIv10rVp4

— Maleeha Lodhi (@LodhiMaleeha) 16 April 2018

As a member of the Committee on NGOs Pakistan will continue to enhance cooperation by the UN with civil society organisations working alongside governments to improve the lives of people across the world pic.twitter.com/Cg9p6fTMl8

— Maleeha Lodhi (@LodhiMaleeha) 16 April 2018

We are both proud and humbled by the support we received from the international community at the UN today Well done Team Pakistan ?? pic.twitter.com/QxNf0LmB9E

— Maleeha Lodhi (@LodhiMaleeha) 16 April 2018

اقوام متحدہ میں پاکستان کی مندوب ملیحہ لودھی کا کہنا ہے کہ پاکستان کو منتخب کرنا دراصل عالمی برادری کا پا کستان پر اعتماد کا ووٹ ہے، بحیثیت رکن ملک اقوام متحدہ کی غیر سرکاری تنظمیوں کی کمیٹی سے تعاون جاری رکھیں گے۔ ملیحہ لودھی کا مزید کہنا تھا کہ دنیابھر میں لوگوں کی زندگیوں کو بہتر بنانےکے لئے مل کر کام کرتے رہیں گے۔

واضح رہے کہ پاکستان کو یونیسیف کے ایگزیکٹو بورڈ کا بھی رکن منتخب کیا گیا ہے، پاکستان نے عالمی سطح پر انسانی اور بچوں کےحقوق پر بہت کام کیا،انتخاب میں کامیابی عالمی برادری کی طرف سے پاکستانی تعاون کی تصدیق ہے۔

ان کا مزید کہنا تھا کہ پاکستان میں یونیسیف کا بہت بڑا پروگرام چل رہا ہے، پاکستان 2 سال پہلے بھی یونیسیف کے ایگزیکٹو بورڈ کا صدر منتخب ہوچکا ہے، یونیسیف میں بھی پاکستان کا بہت اہم کردار رہا ہے، بحیثیت رکن پاکستان یو این او کی غیر سرکاری تنظیموں کی کمیٹی سے تعاون جاری رکھے گا۔