جڑواں شہروں اسلام آباد اور راول پنڈی میں موبائل سروس بند

اسلام آباد / راول پنڈی : یوم پاکستان کے موقع پر وفاقی دالرحکومت اسلام آباد اور راول پنڈی میں موبائل فون اور موبائل انٹرنیٹ سروس معطل کردی گئی ہے، فون سروس صبح پانچ بجے سے دن دو بجے تک بند رہے گی۔

وفاقی دارالحکومت اسلام آباد اور راول پنڈی میں مختلف مقامات پر یوم پاکستان کی پریڈ کے موقع پر موبائل فون سروس معطل رہے گی۔ جمعہ کے روز پریڈ گراﺅنڈ شکر پڑیاں میں یوم پاکستان کی پریڈ کے باعث سیکورٹی کی ضروریات کو مدنظر رکھتے ہوئے تمام موبائل کمپنیوں کے نیٹ ورکسز اور موبائل فون انٹرنیٹ سروس صبح پانچ بجے سے دوپہر دو بجے تک بند رہے گی۔

حکام کے مطابق پریڈ کے اختتام کے ساتھ ہی موبائل فون اور موبائل فون انٹر نیٹ سروس بحال کردی جائے گی۔

عوام کی سہولت اور سکیورٹی کے پیش نظر آج سے 23 مارچ تک ٹریفک کے خصوصی انتظامات کئے گئے ہیں۔ ذرائع ابلاغ کے ذریعے جنرل پبلک ٹریفک پلان سے بار بار آگاہی کی جارہی ہے۔

تیئس مارچ کو ایکسپریس ہائی وے کھنہ پل سے فیض آباد تک سڑک بند رہے گئی۔ ٹریفک پولیس کے مطابق مری روڈ راول ڈیم چوک سے فیض آباد اور، فیصل ایونیو زیروپوائنٹ سے فیض آباد تک بھی سڑک بند ہوگی۔

تئیس مارچ کو رات بارہ بجے سے دن 2 بجے تک ہیوی ٹریفک کا داخلہ اسلام آباد میں بند ہوگا۔ لاہور سے آنے والی ٹریفک روات ٹی کراس سے راول پنڈی موڑ دی دی جائے گی۔ ایئرپورٹ سے آنے والی ٹریفک لہترار روڈ سے کشمیر ہائی وے پر جاسکے گی ۔

اسلام آباد سے ٹریفک نائنتھ ایونیو کے ذریعے راول روڈ سے ائیرپورٹ جائے گا۔ فیض آباد 21 اور23 مارچ کو صبح 5 سے دن 2 بجے تک ٹریفک کیلئے بند ہوگا۔

mobile phone service

JF17

air show

GUN SALUTE

Parade Ground

23RD MARCH

pakistan day parade

TRAFFIC PLAN

Mazar-e-Iqbal

Tabool ads will show in this div