پاکستانی نژاد آسٹریلوی کرکٹر کی منگیترنےاسلام قبول کرلیا

برسبین : پاکستانی نژاد آسٹریلوی کرکٹر عثمان خواجہ کی منگیتر بائیس سال کی ریچل میک لیلن نے شادی سے قبل اسلام قبول کرلیا۔ دونوں اپریل میں رشتہ ازدواج میں منسلک ہوجائیں گے۔

پاکستانی نژاد 31 سال کے آسٹریلوی کرکٹر کئے حوالوں سے جانے جاتے ہیں، وہ بین الااقوامی کرکٹ میں آسٹریلیا کی نمائندگی کرنے والے پہلے مسلم کھلاڑی ہیں۔ حال ہی میں اپنی منگیتر کے ہمراہ آسٹریلوی میڈیا کو دیئے گئے انٹرویو میں عثمان خواجہ کا کہنا تھا کہ ان کی زندگی میں مذہب اسلام کو خاص اہمیت حاصل ہے،تاہم میرے لیے یہ بات ایک حیران کن تھی کہ کیسے اتنے مذہبی عقائد کے باوجود مجھے ایک عیسائی لڑکی سے پیار ہوگیا، جو ایک کیتھولک اسکول سے تعلق رکھتی تھی۔

In 2012 @Uz_Khawaja moved from Sydney to Brisbane to play for the QLD state team. It was here he met @rachelmclellan1. Knowing how important Islam is to Usman, Rachel made the decision to convert. She now embraces both Islam and Usman’s Pakistani heritage. #60Mins pic.twitter.com/Ollqo0vDeU

— 60 Minutes Australia (@60Mins) 18 March 2018

انہوں نے کہا ابتدائی میں ہمارے تعلقات کی خبریں منظر عام پر آنے کے بعد مجھے سخت تنقید کا نشانہ بنایا گیا، لوگوں نے میرے مسلمان ہونے، میرے رنگ اور نفرت کا نشانہ بنایا۔ عام زندگی اور سوشل میڈیا پر مجھے ہراساں کیا جاتا۔

“I never was going to put a gun to Rachel’s head and say you have to convert" | Tonight on #60Mins, Usman Khawaja and his Catholic bride-to-be on life, love and their ambition of combining cricket and culture. https://t.co/n8ODkiBJWl

— 60 Minutes Australia (@60Mins) 17 March 2018

عثمان کا کہنا تھا کہ میری اور ریچل کی ایک ساتھ تصاویر کو دیکھ کر لوگوں شدید تنقید کرتے اور کہتے کہ ریچل کبھی مسلمان نہیں ہوگی۔

آسٹریلیوی بلے باز کے مطابق انہوں نے کبھی بھی ریچل کو اسلام قبول کرنے پر مجبور نہیں کیا اور بارہا یہ یقین دلایا کہ یہ قطعی طور پر ریچل کا اپنا فیصلہ ہوگا،جب تک اس کا دل اور دماغ اس پر راضی نہ ہو ایسا فیصلہ لینے کا کوئی فائدہ نہیں ہے۔

اس موقع پر ریچل کا کہنا تھا کہ انہوں نے گزشتہ سال اسلا م قبول کرنے کا فیصلہ کیا ،ان پر عثمان یا ان کے اہل خانہ کی جانب سے کسی قسم کا کوئی دباؤ نہیں تھا تاہم وہ یہ جانتی تھیں کہ یہ عثمان کے لیے کتنا ضروری ہے۔

ریچل کا کہنا تھا کہ عثمان سے ملاقات سے قبل میں اسلام کے بارے میں صرف اتنا ہی جانتی تھی جتنا میڈیا میں بتایا جاتا ہے۔