سعیدہ وارثی یہودی اخبارکیخلاف قانونی جنگ جیت گئیں

لندن : برطانوی دارالامرا کی ٹوری رکن سعیدہ وارثی یہودی اخبارکے خلاف ہتک عزت کا مقدمہ جیت گئیں، جس کے بعد یہودی اخبار نے غلط بیانی پر معذرت کرتے ہوئے 20 ہزار پاؤنڈز ادا کرنے کی یقین دہانی کرادی۔ اخبارکی جانب سے سعیدہ وارثی پر الزام لگایا گیا تھا کہ وہ داعش کی صفائی پیش کرتی ہیں اورانہوں نے داعش میں شامل برطانوی مسلمانوں کیخلاف کارروائی کی مخالفت کی۔

لندن ذرائع ابلاغ سے جاری خبروں کے مطابق برطانوی دارالامرا کی ٹوری رکن سعیدہ وارثی یہودی اخبارکےخلاف ہتک عزت کامقدمہ جیت گئیں ہیں۔ یہودی اخبار کی جانب سے سعیدہ وارثی پر الزام لگایا گیا تھا کہ وہ داعش کی صفائی پیش کرتی ہیں اورانہوں نے داعش میں شامل برطانوی مسلمانوں کیخلاف کارروائی کی مخالفت کی۔

اپنی ایک بیان میں سعیدہ وارثی کا کہنا تھا کہ مسلمان انتہا پسندی کی حمایت نہیں کرتے اور مجھ پر داعش کے حملوں کی حمایت کرنے کا الزام لگایا گیا۔

انہوں نے کہا کہ میرے خلاف بار بار آرٹیکل چھاپے گئے جس پر لوگوں نے تنقید کا نشانہ بھی بنایا اور میری ساکھ کو نقصان پہنچا مگر اب اخبار نے قبول کر لیا ہے اور صفحہ اول پر معذرت بھی شائع کی ہے۔

انہوں نے مزید کہا کہ اخبار مجھے اب بیس ہزار پاؤنڈ کا جرمانہ ادا کرے گا، جو میں فلاحی ادارے کو دوں گی۔