ایئرمارشل مجاہد انورخان پاک فضائیہ کے نئے سربراہ نامزد

اسلام آباد:حکومت نے ایئرمارشل مجاہد انورخان کو پاک فضائیہ کا نیا سربراہ نامزد کردیا۔ ایئر چیف سہیل امان اٹھارہ مارچ کو اپنے عہدے سے سبکدوش ہو جائیں گے ۔

ایئرمارشل مجاہد انورخان تئیس دسمبر انیس سو باسٹھ کو پیدا ہوئے ۔ دسمبر انیس سو تراسی میں پاک فضائیہ کی جی ڈی پی برانچ میں کمیشن حاصل کیا ۔ پی اے ایف اکیڈمی اصغر خان سے اعزازی شمشیر، بیسٹ پائلٹ ٹرافی اور چیئرمین جوائنٹ چیفس آف اسٹاف کمیٹی گولڈ میڈل حاصل کیے۔

ایئرمارشل مجاہد انور خان نے بطور فائٹر سکواڈرن ، ایک ٹیکٹیکل اٹیک ونگ ایف سولہ کی دو ائیر بیسز کی کمانڈ کی ۔ مجاہد انور خان کوالیفائیڈ فلائنگ انسٹرکٹر ہونے کے ساتھ ساتھ کمبیٹ کمانڈر اسکول ، کمانڈ اینڈ اسٹاف کالج اردن ، ایئر وار کالج فیصل اور نیشنل ڈیفنس یونیورسٹی اسلام آباد سے فارغ التحصیل ہیں ۔

ایئر مارشل مجاہد انور خان کوان کی خدمات پر ہلال امتیاز ملٹری، ستارہ امتیاز ملٹری اور تمغہ امتیاز ملٹری سے نوازاجا چکا ہے ۔