نیٹو کی سرکاری ویب سائٹس پر سائبر حملہ

برسلز : ہیکرز نے نیٹو کی متعدد ویب سائٹس پر حملہ کردیا، تاہم نیٹو ترجمان کا کہنا ہے کہ سائبر حملوں میں آپریشنز متاثر نہیں ہوئے۔ ترجمان نے بتایا کہ ڈی ڈی او ایس نامی ہیکر نے نیٹو کی متعدد ویب سائیٹس کو نشانہ بنایا جس سے نیٹو کی مین ویب سائٹ متاثر ہوئی تاہم اس سے نیٹو کے فوجی آپریشنز پر کوئی اثر نہیں پڑا۔

ترجمان کے مطابق نیٹو ماہرین ویب سائٹس کی بحالی پر کام کررہے ہیں۔ کریمیا کے روس سے الحاق کے حوالے سے آج ہونے والے ریفرنڈم کے تناظر میں نیٹو ویب سائٹس پر سائبر حملے کو اہمیت دی جارہی ہے۔  قیاس کیا جا رہا ہے کہ نیٹو ویب سائٹس پر ہیکرز کا حملہ کریمیا میں  روسی فورسسز ا کے قبضے کے تناظر میں کیا گیا ہے، تاہم ہیکرز حملے کی ذمہ داری کسی نے قبول نہیں کی۔ سماء