پشاورزلمی کی حمایت پرکپل شرماشدید تنقید کی زد میں

نئی دہلی:معروف بھارتی کامیڈین اور اداکار کپل شرما کی جانب سے پشاور زلمی کو سپورٹ کرنے پر ابھارت میں انہیں شدید تنقید کا سامنا کرنا پڑ گیا۔

کپل شرما کو پی ایس ایل 3 میں پشاور زلمی کے بانی جاوید آفریدی ن اپنی ٹیم کو سپورٹ کرنے کیلئے مدعو کیا تو کپل انکار نہ کرسکے اور پاکستان سے محبت کی وجہ سے وہ پی ایس ایل 3 میں شرکت کرنے اور پشاور زلمی کو پروموٹ کرنے کیلئے ان دنوں دوبئی میں موجود ہیں۔

کپل شرما نے ٹیم کے ساتھ ’’زلمی نائٹ ود کپل شرما ‘‘ شو بھی کیا لیکن کپل شرما کی پی ایس ایل 3 میں شرکت بھارتی میڈیا کو سخت ناگوار گزری اور انہوں نے کپل کی حب الوطنی پر سوالیہ نشان اٹھادیے ہیں۔

 مزید پڑھیے: قہقہے بکھیرتی زلمی نائٹ ود کپل شرما

دوسری جانب کپل شرما پی ایس ایل3 میں شرکت کرنے پر بے حد خوش ہیں اور پشاور زلمی کو دل سے سپورٹ کررہے ہیں، جبکہ چند شرپسند اور ہندو انتہاپسندوں کی مخالفت کے باوجود گزشتہ روز اداکار انیل کپور کے چھوٹے بھائی سنجے کپور بھی پی ایس ایل 3 کی افتتاحی تقریب میں شریک ہوئے اور پی ایس ایل کیلئے اپنی نیک خواہشات کا اظہار کرتے ہوئے کہا کہ وہ پشاور زلمی کی ٹیم کی سپورٹ میں یہاں آئے ہیں۔

واضح رہے کہ آئی پی ایل(انڈین پریمیئرلیگ)میں پاکستانی فنکاروں کی عدم شرکت اور کھلاڑیوں کو نہ لیے جانے پر دنیا بھر میں آئی پی ایل کو سخت تنقید کا نشانہ بنایا جاتا ہے جبکہ پی ایس ایل 3 میں بھارتی فنکاروں کو مدعو کرکے انتظامیہ نے ثابت کردیا کہ فنکاروں کی آپس میں محبت چند بھارتی انتہا پسندوں کی نفرت سے کہیں اوپر ہے۔

پی ایس ایل سیزن 3 میں ایونٹ کا دفاع کرنے والی پشاور زلمی کو گزشتہ روز پاکستان سپر لیگ کے پہلے میچ میں ہی ملتان سلطانز کے ہاتھوں سات وکٹوں سے شکست کا سامنا کرنا پڑاتھا۔