سینیٹ انتخابات،کاغذات نامزدگی جمع کرانے کا عمل آج سے شروع

اسلام آباد : سینیٹ کی خالی ہونے والی 52 میں سے 46 نشستوں کے لیے انتخابی سرگرمیاں شروع ہوگئیں۔

تفصیلات کے مطابق سینیٹ کے الیکشن 2018 کیلئے آج سے خالی ہونے والی 52 میں سے 46 نشستوں کے لیے انتخابی سرگرمیاں شروع ہورہی ہیں۔

سینیٹ انتخابات کے لیے کاغذا ت نامزدگی جمع کرانے کا عمل آج سے شروع ہوگا، جب کہ کاغذا ت نامزدگی جمع کرانےکاسلسلہ 8 فروری تک جاری ہے گا۔ اسلام آباد اور قبائلی علاقوں میں سینیٹ انتخابات روک دیے گئے ہیں۔ فاٹا اور اسلام آباد کی چھ نشستوں پر انتخابات بعد میں ہوں گے۔

الیکشن کمیشن کے مطابق کاغذ ا ت نامزدگی کی جانچ پڑتال 12 فروری کو ہوگی، کاغذات کی منظوری اور مسترد کئے جانے ​کےخلاف اپیلیں 15فروری تک کی جاسکیں گی۔

کاغذات کی منظوری یا مسترد کرنے کے خلاف اپیلیں 17 فروری کو نمٹائی جائیں گی، امیدواروں کی حتمی فہرست 18فروری کو جاری کی جائے گی 19 فروری کو کاغذات نامزدگی واپس لئے جاسکیں گے جبکہ سینیٹ الیکشن کے لئے پولنگ 3 مارچ کو ہوگی۔ سماء