پیپلزپارٹی نے عمران خان کے ریمارکس مسترد کردیئے

کراچی : پیپلزپارٹی نے عمران خان کے پارلیمنٹ سے متعلق بیان کو مسترد کردیا، بلاول بھٹو کہتے ہیں کل بھی پارلیمنٹ کا احترام کرتے تھے آئندہ بھی کریں گے۔ خورشید شاہ بولے کہ حکومت کی ناکامی کو پارلیمنٹ کی ناکامی قرار نہیں دیا جاسکتا، عمران خان اور نواز شریف میں کوئی فرق نہیں۔

عمران خان نے پارلیمنٹ پر لعنت بھیجی تو پیپلزپارٹی پارلیمنٹ کے احترام کیلئے نکل آئی، بلاول بھٹو زرداری نے اپنے ٹویٹر پیغام میں کہا ہے کہ پی پی پی ہمیشہ سے پارلیمنٹ کا احترام کرتی رہی ہے اور آئندہ بھی کرے گی، پارلیمنٹ کی توہین کرنے والوں کے رویے کی حمایت نہیں کرسکتے۔

The #PPP respects Parliament and will always respect Parliament. Cannot help the behaviour of others but will never endorse disrespecting Parliament.

— BilawalBhuttoZardari (@BBhuttoZardari) January 17, 2018

دوسری جانب قائد حزب اختلاف خورشید شاہ کہتے ہیں کہ عمران خان نے نواز شریف کے مؤقف کی تائید کی، عمران خان اور نواز شریف میں کوئی فرق نہیں، حکومت کی ناکامی کو پارلیمنٹ کی ناکامی قرار نہیں دیا جاسکتا، پیپلزپارٹی نے ہمیشہ پارلیمان کی مضبوطی کی کوشش کی۔

واضح رہے کہ عمران خان نے لاہور پی اے ٹی اور اپوزیشن جماعتوں کے مشترکہ احتجاج سے خطاب کرتے ہوئے کہا تھا کہ شیخ رشید کے استعفیٰ کی حمایت کرتا ہوں، ایسی پارلیمنٹ پر لعنت بھیجتا ہوں۔ سماء