عمران کی ہیٹ ٹرک

تحریر: اکرم چوہان

کرکٹ کيريئر ميں تو کبھي نہ کرسکے، ليکن خان صاحب نے شاديوں کي ہيٹ ٹرک مکمل کر ہي لي، ويسے بھي جوں ہي چيئرمين پي ٹي آئي کي ريحام خان سے طلاق ہوئي تھي تو سب کو ہيٹ ٹرک کي اميد ہوچلي تھي، سارے ہي خير خواہوں کي دل سے دعا تھي کہ ايک بار پھر بني گالا سے پراٹھوں کي مہک آئے، بھابھي جي آئيں گي تو پھر سے بھيا کا گھر بس جائے گا، يوں ہمارا خان سرديوں کي شاموں ميں اداس اور اکيلا نہيں گھومے گا، بلکہ گھر بسا ديکھ کر خوشي سے جھومےگا، ويسے بھي خان صاحب چار بہنوں کے اکلوتے بھائي ہيں، اس لئے چار بہنوں کا ارمان پورا کرنے کے لئے چوکا لگ سکتا ہے، اس چوکے کا رنگ چوکھا آئے گا يا نہيں، اس کا فيصلہ تو وقت آنے پر ہي ہوگا۔

خان صاحب ہم وطنوں کو بہت عزيز، جب وہ  کنوارے تھے کيا واقعي؟ تو اس وقت بھي سب ان سے يہي پوچھا کرتے تھے کہ شادي کب کريں گے، اب وہ سب کا دل اور مان رکھنے کي کوشش کررہے ہيں تو حاسدين اس پر بھي چين نہيں لينے دے رہے، بھئي عمران خان کي شادي سے آپ کا کيا لينا دينا، وہ دوسري  کريں، تيسري کريں، سعيد اجمل اتنا عرصہ دوسرا کراتے رہے، کبھي کسي نے ان سے پوچھا کہ دوسرا کيوں، پہلا کيوں نہيں، عمران خان کو اس سے گھبرانا نہيں چاہيئے، اپنےاصولي موقف پر،  ارے بھئي شاديوں کے تسلسل پر، ڈٹے رہيں، اور ويسے بھي جوتا چھپائي کے موقع پر لڑکي والوں کا يہ کہنا کہ لڑکے کو اندر زنان خانے ميں لے آئيں، پينسٹھ سال کي عمر ميں لڑکا کہلانا ورلڈ کپ کي فتح سے کم سنسني خيز ہے کيا۔

عمران خان کي شادي سے ايک قومي مسئلہ اور بھي حل ہوسکتا ہے، اپنے شيخ رشيد ابھي تک ويلے ہيں، ہوسکتا ہےعمران خان کي سياست سے متاثر اپنے شيخو جي ذاتي زندگي ميں بھي انکي  پيروي کرڈاليں، مطلب شادي کرليں، اس طرح سے پنڈي کي لال حويلي ميں سرخ جوڑے ميں کوئي آجائے گا، جسے ديکھ ديکھ اپنا شيخ شرمائے گا، يوں دونوں ياروں کے گھر ميں تصوير کائنات کے رنگ بکھر جائيں گے، ويسے يہ رنگ دو تين سے زيادہ نہ ہوں، ورنہ پوري پينٹنگ کا ہي حشر نشر ہو جائے گا۔

اب اندازے لگائے جا رہے ہيں کہ يہ شادي عمران خان کو راس آئے گي کہ نہيں، وہ وزيراعظم بن سکيں گے يا شيرواني صرف شادي کے ہي کام آئے گي، بشرٰي بي بي انکي زندگي ميں تازہ ہوا کا جھونکا ثابت ہونگي يا پھر جلد ہي لوکے تھپيڑے سب کچھ جھلساديں گے، پيش گوئي کوئي بھي کرے ليکن ايک بات اور بھي ہے بھابھي اول جمائما خان نے اگلے اليکشن پر پاکستان آنے کا اعلان کيا تھا، اب خان صاحب کي شادي کے بعد بھي کيا وہ پي ٹي آئي کي انتخابي مہم کے لئے اتني تکليف اٹھائيں گي، يہ بات ياد رہے کہ ريحام سے چيئرمين پي ٹي آئي کي شادي کے بعد جمائما نے اپنے نام سے خان کا لفظ نکال ديا تھا۔

ايک بات اور بھي ہے کہ جہانگير ترين سميت عمران خان کي کچن کيبنٹ کا کيا بنے گا، ريحام نے تو ان سب کو بني گالا سےآؤٹ کر ديا تھا، پھرنتيجہ بھي بُھگتا، اب ديکھنا يہ ہے کہ نئي بھابھي ديوروں اورجيٹھوں کي انٹري تو بند نہيں کرواديں گي، ويسے نندجي شيريں مزاري کے ہوتے يہ ہونا بےحد مشکل ہے، پھرايک خدشہ اور بھي ہے، بشرٰي بھابھي روحانيت سے بےحد قريب ہيں، کہيں پي ٹي آئي کي سياست کا رخ ہي نہ موڑ ديں، جمائما خان کو پاکستان بلانے والے سابق جنوني سلمان احمد انکے پہلے ساتھي ثابت ہوسکتے ہيں، ايسي صورت ميں عمران خان ہيٹ ٹرک سے ڈبل ہيٹ ٹرک کي طرف کا سفر بھي شروع کرسکتے ہيں۔

Politics

IMRAN KHAN

pti chairman

Third Marriage

Bushra Manika

cricket career

Tabool ads will show in this div