بھارت اور امریکا کے درمیان پچاس معاہدوں پر دستخط

اسٹاف رپورٹ

نئی دہلی   :   امریکا اور بھارت کے درمیان مزید قربتیں بڑھ گئیں، امریکی صدر براک اوباما کے دورہ کے دوران بھارت ایٹمی تعاون بڑھانے سمیت پچاس سے زائد معاہدے کئے گئے ہیں۔

بھارت میں امریکی صدر باراک اوباما کے دورہ کے بعد پاکستان میں پاک امریکا تعلقات کے حوالے سے ایک نئی بحث چھڑ گئی، دہشت گردی کے خلاف جنگ میں فرنٹ لائن اسٹیٹ کا کردار ادا کرنے والے پاکستان کو نظر انداز کیا جانا اہم سوال ہے، دفاعی ماہرین کا کہنا ہے کہ پاکستان خود مختار ملک ہے جو اپنے مفادات کو مد نظر رکھے گا۔

امریکی صدر کی جانب سے افغانستان میں پاکستان کے بجائے بھارت کو قابل اعتماد پارٹنر کہنا دہشت گردی کے خلاف جنگ میں دی گئی قربانیوں کو نظر انداز کرنے کے مترادف ہے، دفاعی ماہرین کا کہنا ہے امریکا اور بھارت کے مابین پچاس سے زائد معاہدوں کے اثرات پاک افواج کے سربراہ جنرل راحیل شریف کا دورہ چین سے زائل ہوگئے ہیں، جس میں چین نے پاکستان کو ایسا دوست قرار دیا ہے جس کا کوئی متبادل نہیں۔ سماء