نیلسن،پاکستان کا نیوزی لینڈ کو جیت کیلئے247رنز کا ہدف

Jan 09, 2018

نیلسن : پاکستان اور نیوزی لینڈ کے مابین کھیلے جانے والے دوسرے ون ڈے میچ میں پاکستان نے پہلے بیٹنگ کرتے ہوئے میزبان ٹیم کو 247 رنز کا ہدف دے دیا، پاکستان کی جانب سے محمد حفیظ نے 60، شاداب خان نے 52 اور حسن علی نے شاندار اننگ کھیلتے ہوئے 51رنز اسکور کیے۔

تفصیلات کے مطابق نیوزی لینڈ کے شہر نیلسن میں پاکستان اور نیوزی لینڈ کے مابین کھیلے جانے والے دوسرے ایک روزہ انٹرنیشنل میچ میں پاکستان نے پہلے ٹاس جیت کر بیٹنگ کا فیصلہ کیا۔

ابتدا میں پاکستان کی اوپنرز اور بیٹنگ لائن بری طرح ناکام ہوئی۔ تاہم محمد حفیظ اور ان کے بعد آنے والے کھلاڑیوں نے شاندار کھیل پیش کیا اور مخالف ٹیم کو 247 رنز کا ہدف دیا۔

میچ کے ابتدا میں کپتان سرفراز احمد کا ٹاس جیت کر پہلے بیٹنگ کا فیصلہ ٹیم کے حق میں بہتر ثابت نہ ہوا، ابتدا میں ایک ایک کرکے ٹیم کے تمام بلے باز کیوی بولرز کے سامنے ڈھیر ہوگئے۔ اظہر علی6، امام الحق 2، بابر اعظم 10، سرفراز احمد 3، شعیب ملک 27، فہیم اشرف 7اور محمد عامر 8رنز اسکور کرسکے۔

   

میچ میں پاکستان کی جانب سے محمد حفیظ60، شاداب خان52 اور حسن علی نے شاندار کھیل کا مظاہرہ کرتے ہوئے 51 رنز کی اننگز کھیلی۔ نیوزی لینڈ کی جانب سے لوکی فرگوسن نے تین، جب کہ ٹم ساؤتھی اور ٹاڈ ایسٹل نے 2،2 کھلاڑیوں کو پویلین کی جانب رخصت کیا۔

واضح رہے کہ پانچ میچز کی سیریز میں میزبان ٹیم نیوزی لینڈ کو ایک صفر سے برتری حاصل ہے۔

 

فخر زمان کی خدمات فراہم نہیں تھیں ،وہ ان فٹ ہونے کے باعث آج کے میچ سے باہر تھے اور ان کی جگہ امام الحق کو موقع دیا گیا تھا تاہم وہ بھی اننگز کی شروعات میں ہی ناکام ہوئے اور صرف 2رنز اسکور کرسکے۔ سماء

PakvsNZ

pak vs NZ

2018

live updates

match summary

New Zealand vs Pakistan

Pak Vs NZ live update

Pak Vs NZ 2018

5 ODI Match

live score update

Tabool ads will show in this div