Wednesday, May 18, 2022  | 1443  شوّال  16

کروناکے باعث ویرانی، کراچی کے اونٹ بان بھی مشکلات کاشکار

SAMAA | - Posted: May 2, 2020 | Last Updated: 2 years ago
SAMAA |
Posted: May 2, 2020 | Last Updated: 2 years ago

کرونا لاک ڈاؤن کے باعث حالات نے ایسا رخ بدلا کہ دیگر محنت کشوں کی طرح کراچی کے ساحل پر لوگوں میں خوشیاں بکھیرنے والے اونٹ بان بھی ان دنوں معاشی بدحالی کا شکار ہیں۔

اونٹ بانوں کے مطابق کلفٹن کراچی کے ساحل پر روزی کمانے والے وہ کل 70 ساربان ہیں جن کے پاس تقریباً 50 اونٹ ہیں جو کئی دہائیوں سے یہاں کام کرکے اپنا گزر بسر کرلیا کرتے تھے لیکن ان کی زندگی میں یہ پہلا موقع آیا ہے کہ وہ ان کے اہلخانہ اور اونٹ دو ماہ سے کھانے تک کو ترس گئے ہیں۔

ایک اونٹ بان کا کہنا تھا کہ ان کے ساتھ ان کے اونٹ بھی بھوک کا شکار ہیں کیوں کہ ایک اونٹ کی غذا پر یومیہ تقریباً 400 روپے صرف ہوتے ہیں جس کی فراہمی ان حالات میں ان کیلئے ممکن نہیں رہی جس کے باعث جنگلی جھاڑیاں کاٹ کر اونٹوں کو دی جارہی ہیں۔

ایک اور اونٹ بان نے بتایا کہ اب انہیں خود اور اونٹوں کیلئے خوراک کوئی ادھار میں بھی نہیں دے رہا، جس کے باعث وہ سخت پریشانی کا شکار ہیں۔

اونٹ بانوں کا کہنا تھا کہ وہ نا تو بھیک مانگنے کے عادی ہیں اور نہ ہی انہیں یہ بات اچھی لگتی ہے تاہم موجودہ حالات کے پیش نظر اگر حکومت ان کی کچھ امداد کردے تو ان کی مشکلات میں کمی آسکتی ہے۔

WhatsApp FaceBook
تازہ ترین
KARACHI, CAMEL DRIVER, CLIFTON, SEAVEIW, CORONAVIRUS, LOCKDOWN, COVID-19, COVID19,
 
 
 
مقبول خبریں
مقبول خبریں
 
 
 
 
 
Facebook Twitter Youtube