Tuesday, May 17, 2022  | 1443  شوّال  15

دوحا میں طالبان اور امریکا کے درمیان بات چیت اختتام پذیر

SAMAA | - Posted: Oct 11, 2021 | Last Updated: 7 months ago
SAMAA |
Posted: Oct 11, 2021 | Last Updated: 7 months ago

دوحا میں امریکا اور امارت اسلامیہ کے مندوبین کے درمیان دو روزہ اجلاس اتوار کو اختتام پذیر ہوا جس میں فریقین نے مختلف امور پر تبادلہ خیال کیا۔

افغانستان کی وزارت خارجہ نے امداد کی امریکی پیشکش کا خیرمقدم کیا اور کہا کہ مقامی حکام اور امدادی گروپوں کے ساتھ تعاون کریں گے لیکن اس طرح کی امداد کو سیاسی مسائل سے منسلک نہیں کیا جانا چاہیے۔

ترجمان کے مطابق دونوں فریقوں نے کئی امور پر تبادلہ خیال کیا جن میں سیاسی مسائل بھی شامل ہیں۔

بیان میں کہا گیا کہ امارت اسلامیہ نے دوحا معاہدے کے مکمل نفاذ کا اعادہ کرتے ہوئے مزید کہا کہ اس کا نفاذ مسائل کو حل کرنے کا بہترین راستہ ہے۔

اجلاس کے دوران تمام متعلقہ امور کے بارے میں تفصیلی بات چیت کی گئی اور سفارتی تعلقات کو بہتر حالت میں بحال کرنے کی کوششوں پر زور دیا گیا۔

امریکی محکمہ خارجہ کے ترجمان نیڈ پرائس نے اتوار کے روز کہا کہ بات چیت سیکورٹی ، دہشت گردی سے نمٹنے، انسانی حقوق اور افغانستان چھوڑنے والے امریکی شہریوں اور افغانوں کے محفوظ راستے کی فراہمی پر مرکوز تھی۔

ترجمان کے مطابق افغان خواتین کی سماجی اور سیاسی زندگی میں شمولیت پر بھی تبادلہ خیال کیا گیا۔

ترجمان نیڈ پرائس نے مذاکرات کو واضح اور مثبت قرار دے کر کہا کہ امریکا افغانستان کو امداد فراہم کرتا رہے گا اور اسے براہ راست ضرورت مند لوگوں تک پہنچایا جائے گا۔ ترجمان کے مطابق امریکی وفد نے طالبان پر واضح کیا کہ امریکا طالبان کے باتوں پر یقین نہیں کرے گا بلکہ عملی اقدامات کے بعد فیصلہ کرے گا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube