Tuesday, May 17, 2022  | 1443  شوّال  15

بھارتی مظالم کیخلاف وادی کشمیر میں مکمل ہڑتال

SAMAA | - Posted: Apr 18, 2015 | Last Updated: 7 years ago
SAMAA |
Posted: Apr 18, 2015 | Last Updated: 7 years ago

ویب ایڈیٹر:

سری نگر : بھارتی فوج کے ہاتھوں نوجوانوں کی شہادت اورحریت رہنما مسرت عالم کی گرفتاری کے خلاف مقبوضہ کشمیر میں آج مکمل شٹرڈاؤن ہے۔ آج بھی بھارتی فوج کی فائرنگ سے ایک نوجوان شہید ہوگیا۔

بھارتی فوج کی دہشت گردی کے خلاف کشمیریوں نے مکمل ہڑتال کرتے ہوئے پوری وادی کی دکانیں اور بازار بند کردیے۔ مقبوضہ وادی میں ہڑتال کی کال حریت کانفرنس کے چیئرمین علی گیلانی نے دی ۔ کشمیریوں نے بھارتی مظالم کے خلاف ریلی نکالی تو بھارتی فوج پھربربریت پر اترآئی اور نہتے شہریوں پر گولیاں برسا دیں جس سے ایک اور کشمیری نوجوان شہید ہو گیا۔

بھارتی فوج کی جانب سے ریاستی دہشتگردی کی تازہ لہراُس وقت اٹھی تھی جب مقبوضہ وادی میں سبزہلالی پرچم لہرایا گیا اور نئی دلی سرکار کے سینے پر سانپ لوٹ گئے۔ پاکستان نے بھارتی حکومت سے وادی کشمیر میں مظالم بند کرنے کا مطالبہ کیا ہے۔ سماء

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube