Tuesday, May 17, 2022  | 1443  شوّال  15

فلپائن: سمندری طوفان ہئی آن سے 20 صوبے متاثر، ہلاکتیں 10 ہزار سے بڑھ گئیں

SAMAA | - Posted: Nov 10, 2013 | Last Updated: 9 years ago
SAMAA |
Posted: Nov 10, 2013 | Last Updated: 9 years ago

اسٹاف رپورٹ

منیلا : فلپائن میں سمندری طوفان ہئی آن سے 20 سے زائد صوبے بری طرح متاثر ہوئے ہیں جبکہ 10 ہزار سے زائد افراد ہلاک ہوگئے، لاشوں سے اٹھنے والے تعفن کے باعث بیماریاں پھیلنے کا خدشہ بڑھ گیا ہے۔

فلپائن میں تاریخ کے بدترین طوفان نے شہر کے شہر تلپٹ کردیئے، سمندری طوفان ہئی آن میں سب سے زیادہ تباہی ٹیکولوبان شہر میں ہوئی، طوفان سے ہلاکتیں اس قدر ہیں کہ لاشیں سمیٹنا تو دور کی بات گننا بھی مشکل ہوگیا ہے، ایک اندازے کے مطابق 10 ہزار سے زائد افراد ہلاک اور کئی لاکھ متاثر ہوئے ہیں۔

مقامی انتظامیہ کے مطابق ملبے کا ڈھیر بنے مکانوں اور تنکوں کی صورت بکھرے جھونپڑوں میں لاشوں کے ڈھیر ہیں، جن سے اب تعفن اٹھنا شروع ہوگیا جبکہ اس سے بیماریاں پھیلنے کا بھی خدشہ ہے۔

طوفان میں زندہ بچ جانے والوں کی زندگیاں بھی خطرے سے خالی نہیں، بے گھر افراد تباہ شدہ مکانات کے ڈھانچوں میں پناہ لینے پر مجبور ہیں، بارش  اور سرد موسم نے متاثرین کی پریشانی میں مزید اضافہ کردیا ہے۔

جمعہ کو فلپائن کے ساحلی علاقوں سے ٹکرانے والے طوفان ہئی آن کو تاریخ کا ہولناک ترین طوفان قرار دیا جارہا ہے، بحرالکاہل سے اٹھنے والے طوفان میں ہوا کی رفتار 389 کلو میٹر فی گھنٹہ تھی اور اس کے سبب 15 میٹر اونچی لہریں ساحل سے ٹکرائیں۔

حکام کے مطابق طوفان سے 20 سے زائد صوبے متاثر ہوئے، ان میں وہ علاقے بھی شامل ہیں جو گزشتہ ماہ آنے والے زلزلے کی تباہی سے سنبھلنے کی کوشش کررہے تھے۔ سماء

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube