Monday, May 16, 2022  | 1443  شوّال  14

کیاعامرلیاقت ‘پری زاد2 ‘ بنیں گے؟

SAMAA | - Posted: Feb 11, 2022 | Last Updated: 3 months ago
Posted: Feb 11, 2022 | Last Updated: 3 months ago

عامرلیاقت کی تیسری شادی کی خبر گزشتہ روزجنگل کی آگ سے بھی زیادہ تیزی سے پھیلی جسے سُن کرتقریباً سبھی نے کسی نہ کسی حوالے سے اپناردعمل ظاہرکیا۔

عامرلیاقت علی کی اپنی دوسری اہلیہ سیدہ طوبیٰ انورسےعلیحدگی کی قیاس آرائیاں طویل عرصے سےسوشل میڈیا پرزیرگردش تھیں ، بدھ کوطوبیٰ نے انسٹاگرام اورٹوئٹرپرتصدیق کی تھی کہ انہوں نے خلع حاصل کرلی ہے جس کے بعد جمعرات کو عامرلیاقت نے بھی اپنی تیسری شادی کی خبر بریک کردی۔

پی ٹی آئی اوررکن قومی اسمبلی عامرلیاقت حسین کی تیسری اہلیہ کا نام سیدہ دانیہ شاہ ہے جو عُمر میں ان سے 31 سال چھوٹی ہیں۔ 18 سالہ دانیہ کے حوالے سے اپنی پوسٹ میں عامرلیاقت نے انہیں سادہ، پُرکشش اورڈارلنگ کہتے ہوئے بتایا کہ دانیہ کا تعلق لودھراں کے ایک معزز نجیب الطرفین سادات خاندان سے ہے۔

اس خبرکے سامنے آنے تک تو ٹھیک تھا لیکن پھروہی ہواجوہوتا ہے، یہ شادی ٹوئٹرٹاپ ٹرینڈ میں شامل ہوئی اورسوشل میڈیا صارفین نے دل کھول کرتبصرے کرتے ہوئے دلچسپ میمزبھی شیئرکیں۔

کئی ‘غیرشادی شدہ’ افراد نے اس تیسری شادی سے احساس کمتری کا شکار ہوکردل کی بھڑاس کچھ یوں نکالی۔

حال ہی میں اختتام پزیرہونے والے ڈرامہ سیریل ‘ پری زاد’ کا حوالہ بھی خوب دیا گیا۔

ٹرین پرسواراس جم غفیرکی یہ تصویربھی کمال استعمال میں لاتے ہوئے کہا گیا کہ غیرشادی شدہ لوگ عامرلیاقت سے وظیفہ پوچھںے جارہے ہیں۔

اس خبرسے میمز بنانے والوں کی چاندی ہونا بھی ایسے واضح کیا گیا۔

دانیہ کی پوسٹ کے کیپشن نےبھی میمزبنانے والوں کو خوب مواد فراہم کیا جس میں ان کا کہنا تھا کہ ، ‘میرے شوہربچپن سے ہی میرے آئیڈیل ہیں ‘۔

کوئی کچھ بھی کہے، عامرلیاقت ‘لائم لائٹ’ سے خوب محظوظ ہوئے۔

حتیٰ کہ وزیراعظم عمران خان نے ابھی عامر لیاقت کو فون کرکے نیک خواہشات کا اظہار کیا۔

میمز بنانے والوں سے بدلہ بھی خوب لیاگیا، عامرلیاقت نے ٹویٹ میں اپنی تیسری شادی سے “حسد اورجلن” کا شکار افراد کونشانہ بناتے ہوئے کہا کہ کچھ تویہی سوچ کرتڑپ رہے ہیں کہ پہلے دوسری شادی کیسے کریں۔

طوبیٰ سےعامرلیاقت کی شادی کی خبر جولائی 2018 میں منظر عام پرآئی تھی جب عام انتخابات کے لیے کاغذات نامزدگی جمع کرانے کے دوران عامرلیاقت نے دوسری شادی کا اعتراف کیا تھا۔ اس سے قبل یہ شادی خفیہ رکھی گئی تھی۔

عامرلیاقت نے سوشل میڈیا پرگردش کرتی خبروں کے باوجود دوسری شادی کی باقاعدہ تصدیق دسمبر 2018 میں کی تھی ۔

سابقہ اہلیہ بشریٰ اقبال سے عامرلیاقت کےدوبچے ہیں۔ سیدہ بشریٰ اقبال اسکالراوردرس وتدریس سے وابستہ ہیں ، اپنا یوٹیوب چینل چلانے کے علاوہ وہ رمضان ٹرانسمیشن کی میزبانی بھی کرچکی ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube