کمرشل بینک آزادانہ طور پر غیر ملکی کرنسی کی خرید و فروخت کرسکیں گے،اسٹیٹ بینک
SAMAA |
Ashraf Khan
Posted: Jul 21, 2019 | Last Updated: 3 years ago
اسٹیٹ بینک نے تمام بینکوں کو غیرملکی کرنسی کی خرید و فروخت کی اجازت دے دی ہے۔
اسٹیٹ بینک کی جانب سے جاری کئے گئے سرکلر کے مطابق فارن ایکسچینج قوانین میں ترامیم کے ذریعے بینکوں کو اجازت دی گئي ہے۔
سرکلر میں بتایا گیا ہے کہ کمرشل بینکس آزادانہ طور پر فارن کرنسی کی خرید و فروخت کرسکیں گے، فارن ایکسچینج مینوئل کے بعض قوانین پر نظر ثانی کردی گئی۔
اسٹیٹ بینک کے سرکلر میں بتایا گیا ہے کہ فریقین کی مشاورت سے فارن ایکسچینج مینوئل پر مرحلہ وار نظرِثانی جاری ہے۔
ایکسچینج کمپنیز ایسوسی ایشن کے جنرل سیکٹری ظفر پراچہ نے ردعمل کا اظہار کرتے ہوئے کہا کہ اب بینک عام آدمی سے فارن کرنسی کا لین دین کرسکیں گے، پہلے صرف 2 حبیب ایکسچینج اور نیشنل بینک ایکسچینج کے پاس ہی لائسنس تھا، اسٹیٹ بینک کے اس فیصلے سے ایکسچینج کمپنیز بند ہونے کا خدشہ ہے۔
تازہ ترین
مقبول خبریں
