Tuesday, May 17, 2022  | 1443  شوّال  15

یوبی ایل نے نیویارک برانچ بند کرنے کا فیصلہ کرلیا

SAMAA | - Posted: Nov 22, 2018 | Last Updated: 3 years ago
SAMAA |
Posted: Nov 22, 2018 | Last Updated: 3 years ago

یونائیٹیڈ بینک لمیٹیڈ نے امریکی شہر نیویارک میں اپنے آپریشنز بند کرنے کا فیصلہ کیا ہے۔

یو بی ایل کی جانب سے جاری بیان میں بتایا گیا ہےکہ نیویارک کے بینکنگ قوانین کے مطابق بینک کے آپریشنز بند کرنے کا فیصلہ رضاکارانہ طور پر کیا گیا ہے اور بینک کے لائسنس کو بھی سرنڈر کرنے کا فیصلہ کیا گیا  ہے۔ یہ فیصلہ بینک کی نیویارک برانچ کی کمرشل مالیت کو دیکھتے ہوئے کیا گیا۔

یو بی ایل نے پاکستان اسٹاک ایکسچینج کو اس فیصلے سے آگاہ کردیا ہے۔ بینک انتظامیہ کا کہنا ہے کہ امریکی قوانین کی پاسداری کرتے ہوئے رضاکارانہ طور پر برانچ بند کرنے کے اس عمل کے لیے تمام اقدامات پورے کئے جائیں گے اور مکمل قواعد و ضوابط کو ملحوظ خاطر رکھا جائےگا۔

یوبی ایل ترجمان نے مزید بتایا کہ بینک کے پاس متعدد مستحکم ذرائع ہیں جو صارفین کو امریکی ڈالر کلئیرنگ سروسز فراہم کرتے ہیں۔

سال 2017 میں،نیویارک اسٹیٹ ڈپارٹمنٹ برائے مالیاتی خدمات نے حبیب بینک کی نیویارک برانچ پر 225 ملین ڈالر کا جرمانہ عائد کیا تھا۔ حبیب بینک پر الزام تھا کہ اس نے انسداد منی لانڈرنگ قوانین کی پاسداری کو یقینی نہیں بنایا اوربینک53 بار ان قوانین کی خلاف ورزی کا مرتکب ٹہرا۔ یہ پہلی بار ہوا تھا کہ کسی بینک کو امریکا سے باہر نکال دیا گیا ہو۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube