اسٹاف رپورٹ
لاہور : مزید ایک سو دس پاکستانی ہندو واہگہ کے راستے بھارت چلے گئے۔ بیشتر خاندانوں کا کہنا تھا کہ انہوں نے اپنے وطن کو نہیں چھوڑا بلکہ سرحد پار رہنے والے رشتے داروں کی شادیوں اور مذہبی رسومات کے لئے وہ بھارت جا رہے ہیں۔
 
ایک دن بعد مزید ایک سو دس ہندو اور سکھ یاتری واہگہ کے راستے بھارت روانہ ہوگئے۔ جانے والے بیشتر یاتریوں نے اس تاثر کو غلط قرار دیا کہ وہ ہمیشہ کے لیئے ملک چھوڑ کر بھارت جارہے ہیں۔ اپنے اس موقف کی تائید میں یاتریوں نے پاسپورٹ پر لگا وزٹ ویزا بھی دکھایا۔ سکھ خاندانوں کا کہنا تھا کہ وہ امرتسر کی یاترا کے لیئے جارہے ہیں۔ کچھ ہندوخاندانوں کا کہنا تھا کہ وہ مذہبی میلے میں شرکت کے لیئے ہردوار جارہے ہیں۔ جب کہ کچھ نے بھارت جانے کی وجہ رشتے داروں کی شادیوں میں شرکت بتائی ہے۔

گزشتہ روز بھی ایک سو پندرہ یاتری بھارت روانہ ہوئے تھے جس کے بعد دو دن میں بھارت جانے والے یاتریوں کی تعداد دو سو پچیس ہوگئی ہے۔ سماء