اسٹاف رپورٹ
جنوبی وزیرستان : ایجنسی ہیڈکواٹرز وانا میں دہشت گردوں سے لڑتے ہوئے شہید ہونے والے بدین کے جوان کو آبائی گاؤں لنواری شریف میں فوجی اعزاز کے ساتھ سپردخاک کردیا گیا۔

بدین کے علاقے لنواری شریف کا رہائشی انیس سالہ فوجی جوان جمیل احمد گاڈھی گزشتہ دنوں وانا میں دہشت گردوں سے لڑتے ہوئے شہید ہوگئے تھے۔

شہید کا جسد خاکی رات گئے آبائی گاؤں لنواری شریف لایا گیا اور اس کے بعد اسے فوجی اعزاز کے ساتھ  سپرد خاک کردیا گیا۔ تدفین میں فوجی حکام بھی شریک ہوئے۔ شہید جمیل احمد گاڈھی سات بھائیوں میں آخری نمبر پر تھا اور نو ماہ پہلے پاک افواج میں بھرتی ہوا تھا۔ اس کے دو بڑے بھائی بھی فوج میں ہیں۔ سماء