اسٹاف رپورٹ
کراچی: حب ریور روڈ پر دہشت گردوں نے سپارکو ملازمین کی بس کو سائیکل میں نصب بم سے نشانہ بنایا۔ دھماکے میں ایک شخص جاں بحق اور بیس زخمی ہوگئے ۔پانچ زخمیوں کی حالت تشویش ناک ہے۔
تباہ ہونے والی بس سپارکو ملازمین کی تھی جسے دہشت گردوں نے حب ریور روڈ پر مواچھ گوٹھ نمبر دو میں اُس وقت نشانہ بنایا ۔۔ جب وہ ملازمین کو لے جا رہی تھی ۔۔۔
دھماکہ اتنا شدید تھا کہ اس کی آواز دور دور تک سنائی دی ۔۔ بس کو بری طرح نقصان پہنچا ۔۔۔ اطلاع ملتے ہی ایبمولینسیں موقع پر پہنچ گئی ۔۔ اور زخمیوں کو قریبی مرشد اور سول اسپتال منتقل کیا ۔
دھماکے کے فوری بعد قانون نافذ کرنے والے اداروں کے افسران اور تفتیش کار بھی موقع پر پہنچ گئے ۔ اور علاقے کو گھیرے میں لے لیا ۔۔
ایس ایس پی ویسٹ عامر فاروقی کے مطابق دھماکہ سائیکل میں نصب بم کے ذریعے کیا گیا ۔ جس کے لئے ریموٹ کنٹرول استعمال کیا ۔۔۔ پولیس حکام کا کہنا ہے کہ سپارکو بس پر حملے کے نتیجے میں ایک شخص جاں بحق اور بیس زخمی ہوئے ہیں ۔
زخمیوں میں سے پانچ کی حالت نازک ہے ۔۔۔ قانون نافذ کرنے والے اداروں نے دھماکے کے مقام کو گھیر کر شواہد جمع کرنے کا کام شروع کر دیا ہے۔۔