سماء تی وی کی تازہ ترین خبریں

پاک فضائیہ کے دوتربیتی مشاق طیارے گرکرتباہ، چار پائلٹس شہید

اسٹاف رپورٹ
نوشہرہ : نوشہرہ کے علاقے رشکئی میں پاک فضائیہ کے دو تربیتی طیارے گر کر تباہ ہو گئے۔ ایک طیارہ گھر پر اور دوسرا کھتیوں میں گرا۔ دونوں طیارے معمول کی تربیتی پرواز پر تھے۔ حادثے میں دو انسٹرکٹر اور دو پائلٹس شہید ہوگئے۔

پاک فضائیہ کی ٹیمیں موقع پر پہنچ گئی ہیں۔ علاقے کو سیکیورٹی فورسز نے گھیرے میں لے لیا۔ علاقوں طیاروں کے ملبے کو جمع کیا جارہا ہے۔ طیارے آبادی کے قریب گرے۔

حادثہ دونوں طیاروں کے آپس میں ٹکرانے کے باعث پیش آیا۔ ترجمان پاک فضائیہ نے طیاروں کے حادثے کی تصدیق کردی ہے۔ ترجمان کے مطابق مردان روڈ پر گرنے والے ایک طیارے کا ملبہ مل گیا۔ سماء

آزاد کشمیر،مسافر ویگن دریائے نیلم میں گرگئی،آٹھ افراد کی لاشیں نکال لی گئیں

اسٹاف رپورٹ
مظفر آباد : کيل آزاد کشمير ميں مسافر جيپ دريائے نيلم ميں جا گری۔ حادثے ميں 10 سے زائد افراد دريا ميں بہہ کر لاپتہ ہوگئے، ريسکيو اور پولیس ذرائع کے مطابق حادثہ سڑک کی خراب صورت حال اور لينڈ سلائڈنگ کے باعث پیش آیا۔

مسافر جيپ مرناٹ وادی سے کيل کی جانب جا رہی تھی۔ ریسکیو ٹیموں نے آٹھ افراد کی لاشیں نکال لی ہیں۔ دیگر افراد کی تلاش جاری ہے۔ جیب میں دس افراد سوار تھے۔ حادثہ چچڑ کے مقام پر پیش آیا۔ سماء

پاک فضائیہ کے دو تربیتی مشاق طیارے گر کر تباہ

اسٹاف رپورٹ
نوشہرہ : نوشہرہ کے علاقے رشکئی میں پاک فضائیہ کے دو تربیتی طیارے گر کر تباہ ہو گئے۔ ایک طیارہ گھر پر اور دوسرا کھتیوں میں گرا۔ دونوں طیارے معمول کی تربیتی پرواز پر تھے۔

پولیس کے مطابق فی الحال جانی نقصان سے متعلق کچھ نہیں کہا جاسکتا۔ پاک فضائیہ کی ٹیمیں موقع پر پہنچ گئی ہیں۔ علاقے کو سیکیورٹی فورسز نے گھیرے میں لے لیا۔ طیارے آبادی پر گھیرے۔

حادثہ دونوں طیاروں کے آپس میں ٹکرانے کے باعث پیش آیا۔ سماء

توہین عدالت کیس، بابر اعوان پر آج فرد جرم عائد کی جائے گی

اسٹاف رپورٹ
اسلام آباد : توہین عدالت کیس میں بابر اعوان نے انٹرا کورٹ اپیل واپس لے لی ہے۔ بابر اعوان پر آج فرد جرم عائد کی جائے گی۔

توہین عدالت کیس میں فرد جرم عائد کئے جانے کے فیصلے کے خلاف بابراعوان کی انٹرا کورٹ اپیل کی سماعت چیف جسٹس افتخار محمد چوہدری کی سربراہی میں تین رکنی بینچ نے کی۔

بیرسٹر علی ظفر نے کہا کہ بابر اعوان نے غیر مشروط معافی مانگ لی ہے لیکن بینچ نے فرد جرم عائد کرنے کا فیصلہ کیا ہے۔

چیف جسٹس نے کہا کہ معافی نامہ بابر اعوان کا اعتراف جرم ہے تاہم عدالت نے اب تک معافی نامہ مسترد نہیں کی۔ چیف جسٹس نے کہا کہ آپ عدالت کو ہدایت نہیں صرف درخواست دے سکتے ہیں۔

بابراعوان فرد جرم عائد ہونے سے کیوں ڈررہے ہیں معافی نامے کا معاملہ فرد جرم عائد ہونے کے بعد بھی دیکھا جا سکتا ہے۔

چیف جسٹس نے کہا کہ آپ قانونی نکات دو رکنی بینچ کے سامنے اٹھائیں یہاں پربات کر کے اپنے سارے راستے بند نہ کریں۔

بینچ نے کہا کہ اگر کچھ ہوگیا توعدالتیں موجود ہیں۔ اس پر بابراعوان توہین عدالت کیس میں اپنی انٹراکورٹ اپیل سے دستبردار ہوگئے۔ سماء

وائٹ ہاؤس نے پاکستان پر نئی پابندیوں سے متعلق بل مسترد کردیا

اسٹاف رپورٹ
واشنگٹن : امریکی وائٹ ہاؤس نے پاکستان پر نئی پابندیوں اور ادائیگیاں محدود کرنے سے متعلق امریکی کانگریس کا بل مسترد کردیا۔

بل میں کہا گیا تھا کہ امریکی وزیر دفاع لیون پنیٹا اور امریکی وزیر خارجہ ہیلری کلنٹن اس بات کی یقین دہانی کرائیں کہ پاکستان دہشت گردی کے جنگ ، دہشت گردوں کے نیٹ ورک کے خاتمے ور جوہری ہتھیاروں کے تحفظ کیلئے امریکا سے تعاون جاری رکھے گا۔

وائٹ ہاؤس نے پاک افغان سرحد پر دہشت گردی کے خلاف جنگ ميں اخراجات کی ادائيگی محدو کرنے اور نئی پابنديوں سے متعلق سفارشات کو مسترد کرديا۔

وہائٹ ہاؤس سے جاری ہونے والے بيان ميں کہا گيا ہے کہ امريکی انتظاميہ کوليشن سپورٹ فنڈ کی مد میں پاکستان کیلئے ادائیگی اور اس سے متعلق تصديق کی پابنديوں کی سختی مخالفت کرتی ہے۔

وائٹ ہاؤس کی جانب سے جاری بیان میں کہا گیا ہے کہ اس نازک مرحلے پر پاکستان کی امداد اور واجب الادا رقم کی ادائیگی دہشت گردی کے خلاف کارروائیوں سے مشروط کرنا خطرناک ہوسکتا ہے اور دہشت گردی کے خلاف جنگ پر اس کے منفی اثرات پڑیں گے۔

وائٹ ہاؤس کے مطابق امریکی آرمڈ فورسز کمیٹی کی جانب سے موقف میں تبدیلی نہ کی گئی تو اسے ویٹو کیا جاسکتا ہے۔ یہ شرائط افغانستان میں القاعدہ کے خلاف کامیاب مہم پر بھی منفی اثرات مرتب کریں گی۔ سماء/ایجنسیز